Home
બિઝનેસ
"સોનું કરી દેશે માલામાલ" ગોલ્‍ડમેન સેશની આગાહી, મોતીલાલ ઓસ્‍વાલે પણ સોનું ખરીદવા આપી સલાહ : ભાવ પહોંચી જશે રૂ.76,000

"સોનું કરી દેશે માલામાલ" ગોલ્‍ડમેન સેશની આગાહી, મોતીલાલ ઓસ્‍વાલે પણ સોનું ખરીદવા આપી સલાહ : ભાવ પહોંચી જશે રૂ.76,000

07:08 PM September 04, 2024 gujjunewschannel.in

બ્રોકરેજ કંપનીઓ સોનામાં તેજી ધરાવે છે. અમેરિકન ઇન્‍વેસ્‍ટમેન્‍ટ બેંક ગોલ્‍ડમેન સેશ Goldman Sachs નું કહેવું છે કે નજીકના ભવિષ્‍યમાં સોનાની કિંમતમાં મોટો ઉછાળો આવી શકે છે. ગોલ્‍ડમેનના વિશ્‍લેષકોએ go for gold ‘ગો ફોર ગોલ્‍ડ' શીર્ષક સાથેની નોંધમાં જણાવ્‍યું હતું કે યુએસ ફેડરલ રિઝર્વ ટૂંક સમયમાં વ્‍યાજદરમાં ઘટાડો કરી શકે છે. આ સાથે વિદેશી રોકાણકારો ફરીથી ગોલ્‍ડ માર્કેટમાં Invest In Gold પ્રવેશ કરવા માટે તૈયાર છે. આ વર્ષે આંતરરાષ્ટ્રીય બજારમાં હાજર સોનાના ભાવમાં અત્‍યાર સુધીમાં ૨૧%નો વધારો થયો છે.

► સોનાનો ભાવ રૂ.૭૬,૦૦૦ સુધી જઈ શકેે

તે જ સમયે, સ્‍થાનિક બ્રોકરેજ ફર્મ મોતીલાલ ઓસ્‍વાલ ફાઇનાન્‍શિયલ સર્વિસે તેના અહેવાલમાં જણાવ્‍યું હતું કે ભારતમાં ૨૪ કેરેટ સોનાનો ૧૦ ગ્રામ રૂ. ૭૬,૦૦૦ સુધી પહોંચી શકે છે, જે હાલમાં MCX પર રૂ. ૭૧,૦૦૦ની આસપાસ ટ્રેડ થઈ રહ્યો છે. બ્રોકરેજ ફર્મે જણાવ્‍યું કેMCX પર સોનાનો ટેકો રૂ. ૬૯,૫૦૦ છે. આવી સ્‍થિતિમાં, જયારે પણ સોનાના ભાવમાં ઘટાડો થાય છે, ત્‍યારે રોકાણકારોએ ઘટાડાની સાથે ખરીદી કરવી જોઈએ.

► ચીનમાં ફરી માંગ વધવાનો ભય

ગોલ્‍ડમેન સેશના વિશ્‍લેષકોએ જણાવ્‍યું હતું કે ભાવ-સંવેદનશીલ ચીનમાં ઓછી માંગને જોતાં આવતા વર્ષની શરૂઆતમાં સોનાના ભાવ $૨,૭૦૦ પ્રતિ ઔંસ સુધી પહોંચે તેવી શક્‍યતા છે. સોનાની કિંમતમાં વધુ ઘટાડાની કોઈ શક્‍યતા નથી, કારણ કે ચીનમાં ફરી માંગ વધવાનો ભય છે. જો ફેડરલ રિઝર્વ વ્‍યાજદરમાં ઘટાડો કરે તો સોનાની કિંમત ફરી એકવાર વધી શકે છે.

► ૯ કેરેટ સોનાના દાગીનાનું હોલમાર્કિંગ ફરજિયાત થશે

દેશમાં ટૂંક સમયમાં ૯ કેરેટ સોનાના દાગીનાનું હોલમાર્કિંગ ફરજિયાત કરવામાં આવી શકે છે. સોનાની વધતી કિંમતો અને ચેઈન ચોરીની ઘટનાઓને કારણે ઓછી કેરેટની જવેલરીની વધતી માંગને ધ્‍યાનમાં રાખીને સરકાર આ પગલું લેવાનું વિચારી રહી છે. BIS એ પહેલાથી જ ૧૪ કેરેટ, ૧૮ કેરેટ, ૨૨ કેરેટ, ૨૩ કેરેટ અને ૨૪ કેરેટની બનેલી સોનાની જવેલરી પર હોલમાર્કિંગ ફરજિયાત કરી દીધું છે.